ქართველმა ჩოგბურთელმა ნიკოლოზ ბასილაშვილმა ოლიმპიადაზე ასპარეზობა წარმატებით დაიწყო.
პირველ წრეში მისი მეტოქე ესპანელი კარბალეს ბაენა იყო, რომელმაც ოლიმპიურ თამაშებზე ლეგენდარული რაფაელ ნადალი ჩაანაცვლა.
ბასილაშვილმა მატჩი კარგ დონეზე ჩაატარა და დამაჯერებლად 6:3 6:2 იმარჯვა.
მეორე წრეში ნიკოლოზის მეტოქე ტარო დანიელსა და ლორენცო სონეგოს შორის გამარჯვებული იქნება.
კარბალეს ბაენას ბასილაშვილი კარიერაში უკვე მესამედ დაუპირისპირდა და სამივე მატჩი მის სასარგებლოდ დასრულდა, თუმცა დღევანდელი - ყველაზე მარტივი ანგარიშით.